دخــيل جــروـوحــك إنســآنـــي ...

وقت العتب راح لا ترجـع تعاتبنـي
مات الأمل والبقى في راس وجدانـي
دخــيل جــروـوحــك إنســآنـــي ...
ماني مثل ماأنت خابرني وتحسبنـي
فـلان الأول أصبـح واحـداً ثانـي

خلاص مات الهواء لا تهدم ولا تبني
تركتني الين جاء النسيـان نادانـي

العـام ادور سبـب منـك يقربنـي
واليوم ادور سبب علشـان تنسانـي

بعثرتني في هـواك اليـوم رتبنـي
نسيتني الناس شفني صرت وحداني

كان السهر في هواك اللي محببنـي
والحين حتى السهر يكبر على أجفاني

اجيـك يمحينـي عتابـي ويكتبنـي
مافيه طاري عتـب يمـر ماجانـي

وارجع وانا اقول وش للجرح جايبني
ادري بجرحك ولا ادري وش ودانـي

عن صدق الاحلام جاء الواقع وكذبني
وعن فرح الايام جاء حبك وبكانـي

مليت اشيل الامـل والدمـع يغلبنـي
واقول بكره يجي لشـوق ويلقانـي

وبروح بكره واجي والوقت قالبنـي
وارجع على وحدتي واحزاني احزاني

بكيـت العمـر كـلـه يامعذبـنـي
وش فيك ماتبكي الليله على شانـي

كتبت ماهو علشان تقـول عاجبنـي
مليت من جزله وصـح الله لسانـي

انا وطن شعر لو شعـري مغربنـي
كتبت اجمل جروحي لجـل تقرانـي

خلاص لا تتعـب وترجـع تعاتبنـي
انا نسيتك دخيل جروحـك انسانـي